Վենեսուելայի ընդդիմությունն ու բանակը երկրի գործող նախագահ Նիկոլաս Մադուրոյին գահընկեց անելու շուրջ բանակցություններ են վարում:
«Բանակցություններ ենք վարում պաշտոնյաների, զինվորականների հետ... Նուրբ թեմա է, որը կապ ունի անձնական անվտանգության հետ»,- Washington Post-ին ասել է ընդդիմադիր Խուան Գուաիդոն:
Նրա խոսքով՝ հանդիպումները գաղտնի են ընթանում, որպեսզի չգրավեն գործող իշխանությունների ուշադրությունը:
Հիշեցնենք, որ օրեր առաջ Վենեսուելայի Ազգային ասամբլեայի (խորհրդարան) ղեկավար Խուան Գուաիդոն իրեն երկրի նախագահի ժամանակավոր պաշտոնակատար էր հայտարարել: Նրա թեկնածությունն աջակցել են ԱՄՆ-ն և մի շարք այլ երկրներ: Ընդ որում, Ռուսաստանը Վենեսուելայի օրինական նախագահ է ճանաչել Նիկոլաս Մադուրոյին: