Միջազգային

Գերմանիայի կանցլեր Անգելա Մերկելն ու Ռուսաստանի նախագահ Վլադիմիր Պուտինը հեռախոսազրույց են ունեցել, որի ընթացքում քննարկել են Կերչի նեղուցում ստեղծված իրավիճակը: Այս մասին ասվում է Կրեմլի հաղորդագրության մեջ:

Նշվում է, որ հեռախոսազրույցը տեղի է ունեցել գերմանական կողմի նախաձեռնությամբ: ՌԴ նախագահը գնահատական է տվել Ուկրաինայի իշխանությունների գործողություններին և անհանգստություն հայտնել՝ կապված Ուկրաինայում ռազմական դրության հաստատման հետ:

«Երկու երկրների ղեկավարներն ընդգծել են, որ Ուկրաինայի իշխանությունները պատասխանատվություն են կրում կոնֆլիկտային իրավիճակի ստեղծման և դրանից բխող ռիսկերի համար: Հստակ է, որ այդ ամենը նախաձեռնվել է Ուկրաինայում նախընտրական քարոզարշավի ֆոնին»,- ասվում է հաղորդագրության մեջ:

Պուտինը նաև հույս է հայտնել, որ Բեռլինին կհաջողվի համոզել ուկրաինական կողմին՝ զերծ մնալ չմտածված քայլերից:

Ավելի վաղ ՄԱԿ-ը մերժել էր Կերչի նեղուցի ճգնաժամը քննարկելու՝ Մոսկվայի առաջարկը: