Իրադարձություններ

Ինչպես հայտնի է, այսօր առավոտյան Թուրքիայում ձերբակալվել են քրդամետ ժողովուրդների դեմոկրատական կուսացկության անդամներ, այդ թվում՝ համանախագահներ Սելահաթթին Դեմիրթաշն ու Ֆիգեն Յուքսեքդաղը:

ԱՄՆ Հայ Դատի գրասենյակն արձագանքել է ձերբակալություններին՝ ահազանգելով վերոնշյալ կուսակցության՝ ազգությամբ հայ պատգամավոր Կարո Փայլանի հնարավոր ձերբակալության մասին:

Հետագայում կառույցն իր ֆեյսբուքյան էջում հայտարարել է, որ Կարո Փայլանը ձերբակալվածների թվում չէ:

Հայ Դատի գրասենյակը կուսակցության պատգամավորների ձերբակալությունները որակել է «հակաժողովրդավարական»:
     Իսկ լրագրող Հայկարամ Նահպետյանն իր ֆեյսբուքյան էջում գրել է. «Դե եթե դա կարելի է համարել «լավ լուր», ապա Կարո Փայլանի անունը չի նշվում ձերբակալված քուրդ քաղաքական գործիչների թվում»։ Նա նաև նշել է, որ ոստիկանատուն են տարել քրդական կուսակցության անդամ տասի չափ պատգամավորների, այդ թվում և կուսակցության համաղեկավարներին։ «Վաղը Վաշինգթոնում (ենթադրում եմ նաև այլ քաղաքներում) հանրահավաք է լինելու Թուրքիայի դեսպանատան առջև»,- գրել է նա։