Ռուսաստանում զանգվածային բողոքի ակցիաներ են սկսվել, որոնք կազմակերպել է ռուս ընդդիմադիր գործիչ Ալեքսեյ Նավալնին, գրում է «Ведомости»-ն:
Բողոքի ակցիաներ են անցկացվել Վլադիվոստոկում, Յուժնո-Սախալինսկում, Խաբարովսկում, Տոմսկում, Բարնաուլում, Իրկուտսկում: Նշվում է, որ բողոքի ակցիաների մասին հոդվածի հրապարակման պահին հանրահավաք է սկսվել Նովոսիբիրսկում:
Բողոքի ակցիաներն անցկացվում են «Նա մեր ցարը չէ» կարգախոսով և ուղղված են մայիսի 7-ին Վլադիմիր Պուտինի երդմնակալության արարողության դեմ:
Մոսկվան չարտոնված գործողությունները սադրանք է համարում:
Մայիսի 5-ի բողոքի ակցիաները կդառնան հինգերորդը, որն անցկացնում է Նավալնին վերջին մեկ տարվա ընթացքում: