Մոնթե Մելքոնյանի անվան թիվ 11 դպրուցում այս պահին ոստիկաններ են ժամանել: Լրագրողների հարցին՝ ահազանգո՞վ են եկել, չեն պատասխանել՝ հորդորելով հարցերն ուղղել ոստիկանության լրատվական ծառայությանը:
«Ձեզ պիտի հարցնեմ նոր գա՞մ. լավ եմ արել՝ եկել եմ»,- ասաց քաղաքացիական հագուստով մի տղամարդ, որն, ի վերջո, ներկայացավ որպես ոստիկանության տարածքային բաժնի պետ:
Այս պահին նրանք տնօրենի աշխատասենյակում են: Լրագրողների մուտքն արգելված է:
Հիշեցնենք, որ այսօր Մոնթե Մելքոնյանի անվան թիվ 11 դպրոցում ուսուցիչներն ու աշակերտները բողոքի ցույց էին անում՝ պահանջելով տնօրեն Ռուզան Ազիզյանի հրաժարականը: