Երևանի Սարալանջ փողոցից մինչև Լեռ Կամսարն ընկած հատվածն
ավագանու այսօրվա որոշմամբ անվանակոչվեց Լեոնիդ Ազգալդյանի անունով: «Ելք» խմբակցության անդամ Անահիտ Բախշյանը հանդես եկավ ելույթով. «Ազգալդյանը պետք է արժանանար շատ ավելի ներկայանալի փողոցի անվանակոչման, ինչպիսին Լենինգրադյանն է: Ասում եք՝ ռուսները կնեղանան, ինչ կանեն, բայց դա չի կարող մեզ սահմանափակել: Ազգալդյանն արժանի է ավելիին, նա արդեն պետք է հերոս լիներ... Հիմա պատկերացրեք՝ Մաշտոցի փողոցը մնար Լենինի փողոց: Ազգալդյանի անունով ոչ թե պետք է 700 մետրանոց փողոցը կոչվի, այլ՝ ավելի ներկայանալի փողոց, որը տվյալ դեպքում Լենինգրադյանն է»,- եզրափակեց Բախշյանը:
Նշենք, որ «Ելք» խմբակցության անդամները նիստին եկել էին անվանական շապիկներով: