Այսօր Էրեբունի և Նուբարաշեն վարչական շրջանների ընդհանուր իրավասության դատարանում վերսկսվել է «Սասնա ծռեր»-ի գործով դատական նիստը։ Դատարանում վատացել է «Սասանա ծռեր»-ին օժանդակելու (բեռնատար տրամադրելու մեջ) մեղադրվող Խաչատուր Գիչյանի ինքնազգացողությունը, որի համար շտապ օգնություն են կանչել:
Նշենք, որ վերջինների պաշտպաններից մի քանիսը չեն ներկայացել դատարան:
Հիշեցնենք, որ նախորդ նիստի ընթացքում դատավոր Արտուշ Գաբրիելյանը հայտարարել էր, որ «Սասնա ծռեր»-ի 18 անդամների գործը կիսվել է երեք մասի: Նա միայն մի մասի դատաքննությունն է իրականացնելու, մյուս 2-ի մասով նոր դատավորներ են ներգրավվել:
Հաշվի առնելով այն, որ ամբաստանյալ Խաչատուր Գիչյանը չի կարող մասնակցել նիստին, դատարանը որոշում է կայացրել հետաձգել նիստը։
Հաջորդ դատական նիստը տեղի կունենա հոկտեմբերի 26-ին: