Իրադարձություններ

«Լուսանկարում պատկերված անձինք արդեն նույնականացվել են, և ոստիկանությունն աշխատանքներ է իրականացնում այդ ուղղությամբ: Ըստ օրենքի՝ նյութերը նախապատրաստման փուլում են, կհարուցվի քրեական գործ»,- Աժ-ում հայտարարեց Բնապահպանության նախարար Արծվիկ Մինասյանն՝ անդրադառնալով մեծ աղմուկ բարձրացրած սպիտակագլուխ անգղերի որսի թեմային: Ինչ վերաբերում է պատասխանատվության ենթարկելուն, նախարարն ասաց, որ Քրեական օրենսգրքում և պատասխանատվություն է սահմանված, և վնասի հատուցման չափ նախատեսված: Բացի այդ, ըստ նրա, ՔՕ-ում նախատեսված պատիժները կարիք ունեն լուրջ խստացումների, որի ուղղությամբ աշխատանքներ են ընթանում: