Ինչպես արդեն
հայտնել էինք, հուլիսի 17-ին, ժամը 14.45-ին, հիվանդանոցից ոստիկանության Կենտրոնականի բաժնում հաղորդում է ստացվել, որ «դեմքի կտրած վերք, բազմաթիվ վերքեր, արյունահոսություն» ախտորոշմամբ բուժօգնության է տեղափոխվել հայտնի հոգեբան Ռուբեն Պողոսյանը:
Այսօր՝ հուլիսի 19-ին, Երևանի թիվ 1 համալսարանական հիվանդանոցում 70-ամյա Ռուբեն Պողոսյանը վիրահատվել է:
Shamshyan.com-ի տեղեկություններով` ոստիկանության Կենտրոնական բաժնի քրեական հետախուզության բաժանմունքի ծառայողները Ռ. Պողոսյանին ծանր մարմնական վնասվածքներ պատճառելու կասկածանքով ոստիկանություն են բերման ենթարկել Երևան քաղաքի Վ. Համբարձումյան փողոցի 8/1 շենքի բնակիչ՝ 34-ամյա Հրանտ Համբարձումյանին։ Պարզվել է, որ վերջինն առանց պատճառաբանության իր մոտ եղած բժշկական նշտարով (լանցետ) մի քանի անգամ հարվածներ է հասցրել հայտնի պրոֆեսորին։