Ուկրաինայի Խարկով քաղաքում շարունակվում է բռնցքամարտի Եվրոպայի առաջնությունը, որին մասնակցում են նաև մեր բռնցքամարտիկները։ Այսօր ռինգ դուրս կգա 75 կգ քաշային Արման Դարչինյանը։ MAMUL.am-ի թղթակցի հետ զրույցում նա խոսեց առաջնությունից իր ակնկալիքների մասին:
«Ակնկալիքները մեծ են, քանի որ շատ լավ եմ նախապատրաստվել։ Ավագ մարզչի՝ ընկեր Թորոսյանի (խմբ․՝ Դավիթ Թորոսյան) գլխավորությամբ շատ լավ հավաք ենք անցկացրել։ Շատ լավ եմ զգում ինձ՝ և՛ ֆիզիկապես, և՛ հոգեպես լավ տրամադրված եմ։ Խարկովում եմ լավ տեղերի համար՝ ոսկու»,- նշեց Դարչինյանը։