Խնդրում ենք սպասել...
Օդնոկլասնիկի

Իրադարձություններ

«Պարոն Քոչարյանի քաղաքական բանտարկյալ լինելու մեր մտավախությունները վերահաստատվում են». պաշտպաններ

12:25, չորեքշաբթի, 03 հուլիսի, 2019 թ.
«Պարոն Քոչարյանի քաղաքական բանտարկյալ լինելու մեր մտավախությունները վերահաստատվում են». պաշտպաններ

Այսօր Սահմանադրական կարգի տապալման մեջ մեղադրվող Ռոբերտ Քոչարյանի պաշտպանները մամուլի ասուլիսի ընթացքում անդրադարձան Վերաքննիչ քրեական դատարանում պաշտպանական կողմին ելույթ ունենալու հնարավորությունից զրկելու փաստին: Նրանք նշեցին, որ նախկինում նման պրակտիկա գրեթե չի կիրառվել, երբ կողմն ընդհանրապես զրկված լինի դիրքորոշում հայտնելու իրավունքից:

Հիշեցնենք, որ հունիսի 20-ին Քոչարյանի և մյուսների գործով նիստը նախագահող դատավոր Արմեն Դանիելյանը որոշել էր պաշտպանական կողմին զրկել ելույթի իրավունքից՝ պարզաբանելով, որ վերջիններս ցանկանում են գործը անհարկի ձգձգել:

«Ես որևէ դեպք չեմ կարողացել իդենտիֆիկացնել, որ երբևէ եղել է այնպես, երբ կողմը, ընդհանրապես, զրկված է եղել դիրքորոշում հայտնելու իրավունքից: Մենք ևս մեկ անգամ տեսնում ենք, որ վերահաստատվում է ԵԽԽՎ-ի բանաձևով, Մարդու իրավունքների եվրոպական կոնվենցիայով նախատեսված քաղաքական հետապնդման արգելքի դեպքը: Տեսնում ենք, որ, ակնհայտորեն, ոչ արդար դատավարական գործընթաց է գնում, ինչը վերահաստատում է պարոն Քոչարյանի քաղաքական բանտարկյալ լինելու մեր մտավախությունները: Այստեղ մենք տեսնում ենք լրիվ արտառոց դեպք, երբ կողմին ընդհանրապես չի թույլատրվել ելույթ ունենալ»,-ասաց Ռոբերտ Քոչարյանի պաշտպաններից Արամ Օրբելյանը:

Պաշտպանական կողմն այն կարծիքին է, որ դատարանն, օգտվելով այն «պատրվակից», թե դատավարությունը բնականոն հունով չընթանալու հետևանքով պաշտպանական կողմը խնդրել է դատարանին կանոնակարգել դատավարության ընթացքը, ելույթի իրավունքից զրկել է պաշտպանական կողմին՝ պատճառաբանելով, որ իրավունքների չարաշահում է եղել և ըստ այդմ՝ գործի անհարկի ձգձգում:

| | |
3908 | 0
Facebook