Վերաքննիչ քրեական դատարանում ընթացող բողոքների քննությանը գործով ծանր մարմնական վնասվածք ստացած Արթուր Ավագյանի ներկայացուցիչ Սեդա Սաֆարյանը ևս նիստը նախագահող դատավոր Արմեն Դանիելյանին ինքնաբացարկ հայտնեց:
Ըստ նրա՝ դատավորը նշանակվել է Ռոբերտ Քոչարյանի իշխանության տարիներին և սա հիմք է ինքնաբացարկի. «Դատավոր Դանիելյանի գործունեությունն առնչվում է Մարտի 1-ի և 2-ի իրադարձություններին, և նա այժմ հայտնվել է իր նախկին դիրքորոշման հակառակ բևեռում և որքան էլ հիմա ուզենա՝ չի կարողանա որպես արդար դատավոր հանդես գալ»,-նիստի ժամանակ ասաց Սաֆարյանը։