Այսօր միջադեպ է տեղի ունեցել Կոտայքի մարզպետ Ռոմանոս Պետրոսյանի մասնակցությամբ, ով հանձնաժողովի նախագահի մոտ ցուցակներ է հայտնաբերել։
«Մեր հանձնաժողվի անդամն ինձ ահազանգում է Աբովյանի 29/07 ընտրատեղամասից, որտեղ քիչ առաջ ես ընտրություն կատարեցի: ԲՀԿ կողմից հանձնաժողովի անդամի ձեռքին ցուցակ են հայտնաբերել անձանց անուններով և համարներով»,- լրագրողների հետ զրույցում նշեց Պետրոսյանը:
Նա ասաց, որ դեպքի առթիվ արդեն ահազանգել են իրավապահ մարմիններին:
«Ես ճանաչում եմ այդ կնոջը: Ինքը «Գագիկ Ծառուկյան» բարեգործական ուսանողական հիմնադրամի աշխատակիցներից է»,- ասաց նա:
Միջադեպի արդյուքում պարզ է դարձել, որ հանձնաժողովի անդամ, ԲՀԿ-ի կողմից նշանակված Վեներա Գուլինյանի մոտ եղած ընտրողների և վստահված անձանց համար նախատեսված ձեռնարկների մեջ եղել է ընտրողների ցուցակ, որտեղ գրված են եղել ընտրողների անուն-ազգանունները և նրանց հեռախոսահամարները:
Մանրամասն՝ Infocom-ի տեսանյութում: