2008 թվականի մարտյան իրադարձությունների ժամանակ զոհված Զաքար Հովհաննիսյանի գործով ձերբակալված Գեղամ Պետրոսյանի պաշտպան Վաղարշակ Գևորգյանն «Ազատությանը» փոխանցել է, որ բողոքարկել է ձերբակալման մասին որոշումը:
Ինչպես ավելի վաղ հայտնել ենք, Հատուկ քննչական ծառայությունը երեկ հաղորդել էր, որ 2008-ին ոստիկանության զորքերի շտաբի պետի տեղակալ Գեղամ Պետրոսյանը ձերբակալվել է հրազենի գործադրմամբ Զաքար Հովհաննիսյանին դիտավորությամբ կյանքից զրկելու կասկածանքով։