ՊՎԾ պետ Դավիթ Սանասարյանն առանձնազրույց ունեցավ Զարթոնք համայնքի ղեկավար Պարույր Սարգսյանի հետ: Ավելի ուշ՝ լրագրողների հետ զրույցի ժամանակ համայնքապետը նշեց, որ երկուշաբթի հայտարարությամբ հանդես կգա իր հետագա անելիքների մասին:
Անդրադառնալով ՊՎԾ պետի հայտարարությանը գյուղում հայտնաբերված չարաշահումների մասին՝ Պարույր Սարգսյանն ասաց. «Եթե չարաշահումներ լինեն, ես պատասխան կտամ»:
Դավիթ Սանասարյանը գյուղացիներին հորդորեց հանգստություն պահպանել և սպասել մինչև երկուշաբթի:
Նշենք, որ Պ. Սարգսյանը համայնքը ղեկավարում է 23 տարի: