Միջազգային

Վրաստանի Բաթումի քաղաքում ընթացող ծանրամարտի Եվրոպայի առաջնության շրջանակներում ավարտվեց 59 կգ քաշային կանանց պայքարը։ Հայաստանն այս քաշային կարգում ներկայացնող Իզաբելլա Յայլյանը նվաճեց փոքր արծաթե մեդալ։

Նա, պոկելով 96 կգ և հրելով 111 կգ, երկամարտում գրանցեց 207 կգ արդյունք։ Երկամարտում Իզաբելլան զբաղեցրեց 5-րդ տեղը։

Այս քաշային կարգի հաղթող դարձավ Լատվիան ներկայացնող Ռեբեկա Կոհան։ Երկրորդ և երրորդ հորիզոնականներում են Ռուսաստանը ներկայացնող Տատյանա Ալիևան և Ալեքսանդրա Կոզլովան։