ՀՀ վարչապետը շարունակում է շրջել Արարատի մարզի համայնքներում. քիչ առաջ նրան միացավ մարզպետ Գարիկ Սարգսյանը: Հանդիպման ժամանակ բնակիչներից մեկը Ն. Փաշինյանին ներկայացրեց Ավշարի միջնակարգ դպրոցում ստեղծված իրավիճակը: Նա տեղեկացրեց, որ դպրոցի ուսուցիչները, աշակերտներն ու ծնողները դասադուլ են անում՝ պահանջելով նորանշանակ տնօրենի հրաժարականը, ով մարզպետի մորաքրոջ հարսին նշանակել է ուսմասվար՝ աշխատանքից հեռացնելով երկարամյա մանկավարժին: «Դե վերջացրեք էլի: Այո, մորաքրոջս հարսն է, բայց ոչ մի նշանակում, փոփոխություն չի եղել: Հարցը փակվել է, ոչ մեկ չի ազատվել»,- արձագանքեց մարզպետը, ով ավելի ուշ փորձում էր վարչապետին պարզաբանումներ ներկայացնել: