Միջազգային

Բելառուսի նախագահ Ալեքսանդր Լուկաշենկոն խոստովանել է, որ իրեն և Ռուսաստանի նախագահ Վլադիմիր Պուտինին մտահոգում է միութենական պետության ճակատագիրը պաշտոններից իրենց հեռանալուց հետո, հաղորդում է «РИА Новости»-ն:

«Մենք բացահայտ ասել ենք, որ մենք հավերժ չենք, որ ինչ-որ պահի հեռանալու ենք: Ի՞նչ ենք թողնելու մեր երեխաներին: Ինչպե՞ս են նրանք շարունակելու մեր քաղաքականությունը: Մեզ՝ քաղաքական գործիչներիս, դա չի կարող չմտահոգել»,- հայտարարել է Լուկաշենկոն:

Նա նաև ասել է, որ վաղուց են քննարկվում Մոսկվայի և Մինսկի դաշնակցային հարաբերությունները:

«Մենք վաղուց պայմանավորվել ենք, որ պետք է վերանայվեն մեր դաշնակցային հարաբերությունները»,- ասել է Լուկաշենկոն:

Ավելի վաղ Պուտինը Լուկաշենկոյի հետ բանակցություններից հետո հայտարարել է, որ աշխարհում լիարժեք անկախ պետություններ գոյություն չունեն: