ՌԴ նախագահ Վլադիմիր Պուտինի և Բելառուսի նախագահ Ալեքսանդր Լուկաշենկոյի հանդիպումը չորեքշաբթի կտևի մի ամբողջ օր: Այս մասին, РИА Новости-ի փոխանցմամբ, լրագրողներին հայտնել է ՌԴ նախագահի մամուլի խոսնակ Դմիտրի Պեսկովը:
Հանդիպումը կկայանա այսօր Սոչիում: Երկու երկրների առաջնորդները կքննարկեն եվրասիական տարածքում ինտեգրացիոն գործընթացների զարգացման հեռանկարները:
«Ժամանակի մեծ մասը նախագահները կզրուցեն: Կբանակցեն մի ամբողջ օր: Ընդ որում, արդեն հայտնել էինք, որ հանդիպումը չի սահմանափակվի մեկ օրով: Այսպես թե այնպես, շփումները կշարունակվեն վաղը կամ նույնիսկ վաղը չէ մյուս օրը»,- ասել է Պեսկովը:
Նա հավելել է, որ բացի այդ հանդիպումը կարճ խորհրդակցություն է նախատեսված բելառուսական և ռուսական պատվիրակությունների միջև: