Երևանի քաղաքապետ Հայկ Մարությանն իր ֆեյսբուքյան էջում հրապարակել է տեսաուղերձ, որում անդրադարձել է 2018 թվականի դեկտեմբերին Երևանի քաղաքապետարանի աշխատակիցներին հատկացված պարգևավճարներին:
Քաղաքապետի խոսքով՝ քանի որ նախորդ տարվա դեկտեմբերին ինքը պաշտոնավարում էր ընդամենը երկու ամիս, ապա որոշում կայացվեց պարգևավճարները հատկացնել այնպես, ինչպես որոշվել էր 2017 թվականին և հաստատվել 2018 թվականի բյուջեով:
«Այդպես էլ արվեց, ուղղակի մի վերապահումով, որ այս անգամ ես հանձնարարեցի, որ պարգևավճար ստանան Երևանի քաղաքապետարանի բոլոր աշխատակիցները, քանի որ տարիներ ի վեր կային աշխատակիցներ, որոնք այս գումարները չէին ստանում՝ չնայած, որ աշխատում էին, իրենց ուժը, եռանդը դնում այս գործի մեջ»,- ասել է քաղաքապետը:
Մանրամասները՝ տեսանյութում: