ՀՀ վարչապետ Նիկոլ Փաշինյանը հունվարի 25-ին կմեկնի Մոսկվա: Ինչպես հայտնել է Եվրասիական տնտեսական հանձնաժողովի մամուլի ծառայությունը՝ Մոսկվայում Նիկոլ Փաշինյանը կայցելի ԵՏՀ գլխավոր գրասենյակ, որտեղ հանդես կգա 2019թ. կազմակերպությունում Հայաստանի նախագահության կապակցությամբ ելույթով:
Ավելի վաղ ՌԴ նախագահի մամուլի քարտուղարը հայտնել էր, որ նախագահի օրակարգում Նիկոլ Փաշինյանի հետ հանդիպում նախատեսված չէ:
Rusarminfo-ի տեղեկություններով՝ ՀՀ վարչապետը Մոսկվայում կհանդիպի ՌԴ վարչապետ Դմիտրի Մեդվեդևի, ինչպես նաև բարձրաստիճան այլ պաշտոնյաների հետ:
ՀՀ վարչապետի նախորդ այցը Մոսկվա կայացել էր 2018թ. դեկտեմբերի 27-ին, որի ընթացքում նա հանդիպել էր ՌԴ նախագահ Վլադիմիր Պուտինի հետ:
Նշենք, որ Նիկոլ Փաշինյանը Մոսկվա է մեկնում Դավոսի համաշխարհային տնտեսական համաժողովի աշխատանքներին մասնակցելուց հետո: