Ի՞նչ է խոսում քաղաքը

Վերջին օրերին համացանցում ակտիվորեն քննարկվում է Ռոբերտ Քոչարյանի կողմնակիցների կողմից կազմակերպված և սպասվող հանրահավաքների թեման: Քաղաքացիները հիմնականում ծաղրում են հանրահավաքի մասնակիցներին, նրանց քանակը և քաղաքական «ծագումնաբանությունը»: Համաձայն շրջանառվող լուրերի, Քոչարյանի սակավաթիվ աջակիցները պլանավորում են նոր միջոցառումներ: Ասում են՝ վերջինները ծրագրում էին Երևանում բողոքի նոր ցույցեր՝ ՀՀ երկրորդ նախագահին ազատ արձակելու պահանջով, սակայն հաշվի առնելով նախկին փորձը, հրահանգ են ստացել ակցիաներն անցկացնել Արցախում: Ասում են նաև, որ առաջիկայում նման փորձ կլինի Ստեփանակերտում: Համաձայն շրջանառվող լուրերի, վերջիններն այդ կերպ հույս ունեն մի քանի տասնյակ մասնակցի փոխարեն ցույցերում ներգրավել գոնե 100 մասնակից: