Կրեմլն ի գիտություն է ընդունել Վրաստանի նախագահական ընտրություններում Սալոմե Զուրաբիշվիլիի հաղթանակը, սակայն չի մեկնաբանում՝ մինչև Ռուսաստանի հետ երկկողմ կապերի նկատմամբ Թբիլիսիի տրամադրվածության հստակեցումը: Այս մասին, ТАСС-ի փոխանցմամբ, ասել է Կրեմլի մամուլի խոսնակ Դմիտրի Պեսկովը:
«Անկասկած, հետևում էինք Վրաստանից ստացվող տեղեկություններին, ի գիտություն ենք ընդունում Զուրաբիշվիլիի հաղթանակի փաստը, սակայն, այնուամենայնիվ, սպասում ենք առաջին հայտարարության՝ կապված Ռուսաստանի և Վրաստանի հարաբերությունների զարգացման հնարավոր հեռանկարներին»,- ասել է Կրեմլի մամուլի խոսնակը:
«Անկասկած, երկու ժողովուրդները մոտ են միմյանց, սակայն միջպետական կապերը 2008թ. հայտնի իրադարձություններից հետո լավագույնը մաղթելու ցանկություն են թողնում»,- հավելել է նա: