Իրադարձություններ

Տավուշի մարզի սահմանամերձ Բերդավան գյուղի բնակիչները փակել են Հայաստան-Վրաստան միջպետական ճանապարհն ու պահանջում են հայրենի տուն վերադարձնել Ադրբեջանում գերության մեջ գտնվող Կարեն Ղազարյանին: Հավաքվածների թվում են Կարենի հարազատները, Բերդավանի դպրոցի ուսուցիչները, վարչական շրջանի ղեկավարը և այլ քաղաքացիներ:

Հիշեցնենք՝ օրեր առաջ լրագրողների հետ զրույցում ՀՀ ԱԳՆ մամուլի խոսնակ Աննա Նաղդալյանն ասել էր, որ Հայաստանի Հանրապետությունը համապատասխան աշխատանքներ է տանում Ադրբեջանում գերեվարված Հայաստանի քաղաքացի Կարեն Ղազարյանին հայրենիք վերադարձնելու ուղղությամբ: