«Ես հանձնարարել եմ ուսումնասիրել և ուսումնասիրության արդյունքներով իմ եզրակացությունը կանեմ: Չնայած ունեմ բացատրություններ, բայց ես ուզում եմ հստակ լինի, որ Հայաստանում չի կարող կոռուպցիա լինել»,- լրագրողների հետ զրույցում ասել է վարչապետի պաշտոնակատար Նիկոլ Փաշինյանը՝ անդրադառնալով փոխվարչապետի պաշտոնակատար Տիգրան Ավինյանի վերաբերյալ «Հետք»-ի հրապարակմանը, ըստ որի՝ վերջինի հիմնադրած «Իրիգեյթ» ընկերությունը չրի արտադրությունը զարգացնելու համար այս տարի 35 հազար ԱՄՆ դոլար դրամաշնորհ է ստացել Գյուղատնտեսության զարգացման հիմնադրամից:
«Փաստերի համադրումը վերջնական կանենք, կներկայացնեմ իմ տեսակետը»,- եզրափակել է Փաշինյանը: