Ջակարտայից Պանկալպինանգ մեկնող ինդոնեզիական Lion Air ավիաընկերությանը պատկանող Boeing 737-ի կործանման հետևանքով զոհվել են Ինդոնեզիայի ֆինանսների նախարարության 20 բարձրաստիճան պաշտոնյաներ, հաղորդում է РИА Новости-ն՝ հղում անելով Jakarta Post-ին:
Երկրի ֆինանսների նախարարության ներկայացուցչի խոսքով՝ ուղևորների շրջանում եղել են նաև Պետական պարտատոմսերի և աճուրդների ծառայության, ինչպես նաև Պետական գանձապետական ծառայության աշխատակիցներ:
Ինչպես նաև հաղորդվում է, որ ավիաաղետի հետևանքով ողջ մնացածներ չկան:
Ինչպես ավելի վաղ հայտնել էինք, կործանված ինքնաթիռում ՀՀ քաղաքացիներ կամ հայեր չկան: