Կործանվել է ինդոնեզիական Lion Air ավիաընկերությանը պատկանող ինքնաթիռը, որը Ջակարտայից Պանկալպինանգ էր մեկնում, հաղորդում է Reuters-ը:
«Հաստատվել է, որ ինքնաթիռը կործանվել է: Ականատեսների խոսքով՝ այն ծովն է ընկել: Վերջին տվյալների համաձայն՝ ինքնաթիռում 188 մարդ է գտնվել, այդ թվում՝ անձնակազմի 7 անդամները»,- ասել է գործակալության աղբյուրը:
Հաղորդվում է նաև, որ ինքնաթիռն անհետացել է ռադարներից թռիչքից 13 րոպե անց:
Ավիաընկերության ղեկավարը հրաժարվել է մեկնաբանել իրավիճակը: