ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնն Ադրբեջանում է: Այս մասին Twitter-ի իր էջում հայտնել է Ադրբեջանի ԱԳՆ-ն:
Բաքվում Բոլթոնին դիմավորել է Ադրբեջանի ԱԳՆ ղեկավար Էլմար Մամեդյարովը:
Այցի ընթացքում Բոլթոնը պաշտոնական անձանց հետ կքննարկի ԱՄՆ-ի և Ադրբեջանի համագործակցությունը, ինչպես նաև տարածաշրջանային հարցերը:
Ավելի վաղ Բոլթոնը հայտարարել էր, որ գնահատական կտա սիրիական կարգավորման երաշխավոր պետությունների՝ Իրանի, Ռուսաստանի և Թուրքիայի հետ հարաբերություններում Ադրբեջանի, Հայաստանի և Վրաստանի աշխարհքաղաքական դերին: