Պատգամավորները մի մասնաշենքից մյուսն են գնում՝ չկարողանալով դուրս գալ ԱԺ շենքից. բազմահազար քաղաքացիներ շարունակում են փակ պահել Դեմիրճյան փողոցն ու Բաղրամյան պողոտան: Նրանք վանկարկում են «դավաճաններ»՝ դիմելով կողմ քվեարկած ԲՀԿ, ՀՅԴ խմբակցությունները ներկայացնող պատգամավորներին, իսկ ՀՀԿ-ի հասցեին հնչեցնում՝ «հեռացիր, Հայաստանը մոռացիր»: Նշենք նաև, որ քաղաքացիները հերթով բացում են ԱԺ շենքի կողքով անցնող ավտոմեքենաների դռներն ու ստուգում սրահները, որպեսզի պատգամավորները չկարողանան դուրս գալ:
Քիչ անց սպասվում է ՀՀ վարչապետ Ն. Փաշինյանի ելույթը: