Ֆրանսիայի նախագահ Էմանուել Մակրոնը Twitter-ի իր էջում գրառում է կատարել՝ մեկնաբանելով աշխարհահռչակ շանսոնյե Շառլ Ազնավուրի մահը:
«Խորը ֆրանսիական, կառչած իր հայկական արմատներից, աշխարհահռչակ Շառլ Ազնավուրը կշարունակի ուղեկցել 3 սերունդների ուրախությունն ու տխրությունը: Նրա գլուխգործոցը, նրա եզակի փայլը կմնա երկար ժամանակ»,- գրել է Մակրոնը:
Հիշեցնենք, որ 94 տարեկանում մահացել է աշխարհահռչակ շանսոնյե Շառլ Ազնավուրը: