«Օրենքով գող» Շաքրո Մոլոդոյը (Զախարի Քալաշով) 9 տարի 10 ամսվա ազատազրկման է դատապարվել խիստ ռեժիմի գաղութում: Դատավճիռը կայացվել է Մոսկվայի Նիկուլինի դատարանում, փոխանցում է РИА Новости-ն:
Նշվում է, որ նրա հետ միասին ազատազրկման են դատապարտվել «Իտալացին» ու Բաթիր Բեքմուրադովը: Նրանք ազատազրկվել են 8 տարի 10 ամսով և 9 տարի 4 ամսով համապատասխանաբար:
Ավելի վաղ դատախազությունը Շաքրո Մոլոդոյի համար 10 տարվա ազատազրկում էր պահանջել: