Այսօր` ուրբաթ, 24 մայիսի, 2013 թ.

Եղանակը Երևանում այս պահին`

+27 °C

գիշերը`

+17 °C

ցերեկը`

+31 °C

Արտարժույթի փոխարժեքն ըստ ԿԲ`

414.82

534.45

13.19

iBanks.am

Քննարկումներ

Հայկական շոու-բիզնեսի պերճանքն ու թշվառությունը

Առաջարկել

երկուշաբթի, 30 հուլիսի, 2012 թ.

Հայկական շոու-բիզնեսի պերճանքն ու թշվառությունը

''Իրականում Հայաստանում շոու-բիզնես չկա. իսկական շոու-բիզնեսն Ամերիկաներում է'',- սա հայկական շոու-բիզնեսի վերաբերյալ համացանցում հայտնված գրառումներից մեկն է, որն ունի նաև իր հիմնավորումները...:
Մեղավոր-անմեղներ փնտրելով, այս կամ այն երգչին քննադատելով ոչինչ փոխել չենք կարող...: Իսկ ի՞նչ կա փոխելու...: Առաջին հայացքից՝ կարծես ոչինչ. մարդիկ ստեղծագործում են, նոր տեսահոլովակներ են թողարկում, համերգներ տալիս...ի՞նչ վատ բան կա...:

Վերջին շրջանում երգարվեստում հետաքրքիր զարգացումներ են նկատվում: Այսպես, ավագ սերնդի ներկայացուցիչները, ովքեր այսօր իրենց վաստակով մեծ սեր են վայելում ժողովրդի կողմից, որոնց ներդրումն անգնահատելի է, աշխատանքը՝ վիթխարի, վրդովված են, մտահոգված, նեղացած, հիասթափված: Ժողովրդական արտիստներն ասում են, որ ոչ մի կերպ չեն համակերպվում այն երգերի հետ, որոնք այսօր մատուցվում են ու որոնք ստիպված ես լսել. ամենուր նույն դեմքերն են:
Մյուս խումբը 90-ականներին աչքի ընկած ու այսօր ընդհանրապես անտեսված երաժիշտներն են, ովքեր հիմնականում ակումբներում են երգում ու գիտեն՝ եթե տեսահոլովակ տանեն այս կամ այն TV, եթեր չեն տալու:
Այս երկու խմբերին միավորում է մի բան. երկուսն էլ չարացած են այսօրվա կատարողների ու նրանց PR-ն անող հեռուստատեսության նպատակային քաղաքականության վրա:

Այս թեման մեկնաբանել են`

Օֆելյա Համբարձումյան, ՀՀ Ժողովրդական արտիստուհի

Այո, մոռանում են մեզ…: Հիմա այնպիսի մարդկանց են պրոպագանդում, որ նույնիսկ բողոք է բարձրանում: Հին երգիչներին չեն հիշում: Այսօր եթերում սխալ կատարումներ են, ձայն չունեցող մարդիկ: Շոու-բիզնեսն իր վերնագրով ու մակարդակով աղբ է: Էլ չեմ ասում` երգիչ-երգչուհիների հագուկապի մասին. կրծքերն են բացում ու երգում:

Մարտին Վարդազարյան, ՀՀ մշակույթի վաստակավոր գործիչ

Մեր օրերում արհեստները իշխում են արվեստներին: Պետք է, իհարկե տիրապետել առաջինին, որպեսզի կարողանալ ստեղծագործել արվեստում, սակայն այդ ամենի արդյունքում հաճախ հանգում ենք ոչ թե բարձրարժեք ստեղծագործությունների, այլ տեխնիկայի նվաճումների: Մի հիմարություն երբ կրկնվում է 100 անգամ, մեխանիկորեն դառնում է լավ ու դրական:

Օգտատեր

Այն ինչ հիմա երգում է Արամեն կամ ասենք Լիլուն, Սոնա Շահգելդյանն ու էս շարքից ցանկացած մեկը, կարելի էր մի 5 տարի առաջ լսել Վարդենիսի գազելի մեջ: Պարզապես այն ժամանակ գոնե գիտեիր` որտեղ ես գտնվում ու հոգեբանորեն պատրաստ էիր, իսկ հիմա դա կարող ես լսել Օպերայի բեմին, կամ ռադիոյով ու հեռուստատեսությամբ: Սա է իրական մառազմը:

Սոնա Շահգելդյան, երգչուհի

Հետաքրքիր է` իմ որ մի երգն է վատը…բոլորն էլ տեսնում են իմ արվեստը, ձայնն ու որակյալ երգերը, պարզապես կան մարդիկ, որ միշտ վատաբանում են` հատկապես լավ երգիչներին: Այո, ես դեմ եմ, որ Օպերայում վատ երգեր հնչեն, վատ ասելով` նկատի ունեմ նույնատիպ երգեր, կրկնօրինակումներ, բայց ես միշտ իմ յուրօրինակ երգերն եմ երգել:

Լիլիթ Կարապետյան, երգչուհի

Այսօր ինձ նման երգչուհու առջև դռները փակում են, ինչպես ասում են` օդերը փակում են, որ տեսահոլովակը եթեր չտան: Տեսահոլովակ, որ մաքուր էստրադա է. ոչ թուրքական է, ոչ էլ աղավաղված ինչ-որ բան, մինչդեռ ես եմ եղել էստրադայի հիմնադիրներից մեկը...: Կարող է իրենց ֆավորիտների գործին խփեմ, դրա համար չեն ուզում:

Արփինե Բեկջանյան, երգչուհի

Ինչպես կարող են ինձ ցուցադրել, եթե հեռուստաեթերում մոնոպոլիա է. ներկայացնում են Երգի պետական թատրոնից դուրս եկած մարդկանց, գիտեք էլի, մի քանի հոգու մասին է խոսքը. միշտ նրանց PR-ն են անում, իսկ մենք ''սև ցուցակում'' ենք: Ես հեռուստացույց չեմ դիտում, կոլեգաներս` նույնպես: Ինչ դիտեմ, եթե նույն երգիչներն են, նույն աղբն է, նույն 6/8-ը:

Հավանել

Չհավանել

9961 | 21 | 2 | 0

Առաջարկել

Հավանե՛ք և բաժանորդագրվե՛ք

Follow @mamulam

Մեկնաբանություններ

facebook

ՄԱՄՈՒԼ.am

Mariam 23:20, 30.07.2012

Hamadzayn em mer Joxovrdakan artistneri asacneri het....