Հունիսի 29-ի երեկոյան մահացավ ''Հարսնաքար'' ռեստորանային համալիրում ծեծի ենթարկված ՀՀ ՊՆ կենտրոնական կայազորի ռազմական հոսպիտալի բաժանմունքի պետ, բուժծառայության մայոր 35-ամյա Վահե Ավետյանը: 10 օրից ավելի սրտացավ մարդիկ աղոթում էին ռազմական բժշկի կյանքի համար, բայց ավաղ....:
Վահեի մահը ցասում ու բողոք բարձրացրեց հասարակության շրջանում. նրանք ոտքի ելան ի բողոք ամենաթողության, անտարբերության, անպատժելիության, ոտքի ելան օլիգարխների բանդայի դեմ, ովքեր իրենց դնելով օրենքից դուրս, անպատիժ հանցանքներ են գործում, որի արդյունքում տուժում կամ մահանում են ՀՀ քաղաքացիներ: Քաղաքացիական նախաձեռնություններ, քաղաքացիներ, ֆեյսբուքահայեր համախմբվեցին համընդհանուր ցավի համար: Նրանք իրենց ցասումն ու զայրույթը հայտնելուց զատ, պահանջում էին, որ ԱԺ պատգամավոր, ''Հարսնաքարի'' սեփականատեր Ռուբեն Հայրապետյանը վայր դնի մանդատը: ''Վահե Ավետյանի սպանությունը պիտի դատապարտեն բոլորը և պահանջեն առավելագույն պատիժ մարդասպաններին: Մարդկային տականքությունը երբեմն սահմաններ չի ճանաչում'',- ասում էին նրանք:
''Պահանջում ենք պատժել ''Հարսնաքարում'' տեղի ունեցածի բոլոր մեղավորներին'' ֆեյսբուքյան նախաձեռնությունը հունիսի 30-ին մոմավառություն էր կազմակերպել՝ ի հիշատակ ''Հարսնաքարում'' դաժան ծեծից մահացած Վահե Ավետյանի: ''Հարսնաքար'' ռեստորանային համալիրի մոտ հավաքված էին հարյուրավոր քաղաքացիներ։ Դրսում մոմավառություն էր, ներսում հարսանիք, ինչն էլ ավելի էր ափից հանում ցուցարարներին...ի վեջո, բախում եղավ:
Մենք ունենք որդիներ և չենք ուզում, որ նման անպատժելիության, հանցագործ մթնոլորտում ապրեն նրանք, որտեղ ամենևին չեն գործում մարդկային արժեքները: Պահանջում եմ համապատասխան հատուցում:
Վահե, Դու մեզ հետ ես:
պրոդյուսերական կենտրոն