Երբ գիտական բժշկությունն անզոր է եղել, բնաբուժությունը հրաշքներ է գործել մարդկանց վերադարձնելով աշխարհում ամենաթանկը՝ առողջությունը: Բնությունը դեռևս լիովին չբացահատված առեղծված է, սական պարզ է մի ճշմարտություն, որ նրա հրաշագործ բույսերի բուժական հատկությունները մարդկության քաղաքակրթության բոլոր դարաշրջաններում էլ զորեղ են եղել ցանկացած դեղորայքից: Ամեն ժամանակներում էլ բնության թարգմաններն ու բույսերի բուժական հատկություններով մարդկանց հիվանդությունները դարմանողները ասես աստվածատուր շնորհով օժտված առաքելություն են ստանձնել՝ օգնել և հրաշագործությամբ դարմանել մարդկանց անհանգստացնող հիվանդությունները: Անգամ այն ժամանակ, երբ գիտական բժշկությունն անզոր է եղել, բնաբուժությունը հրաշքներ է գործել մարդկանց վերադարձնելով աշխարհում ամենաթանկը՝ առողջությունը: Արդեն 20 տարուց ավել է տասնյակ հազարավոր մարդկանց բնության հրաշագործ միջոցներով ցավերի դարմանողն է բնաբույժ Ստեփան Բաղդասարյանը: Ստեփան բնաբույժը նաև բնագետ-գիտնական է, գիտի ոչ միայն իր պատրաստած այլև միջնադարյան հայ բժիշկների դեղատոմսերը, նա յուրատեսակ կամուրջ է դառնում հայ միջնադարյան բնաբուժության և մերօրյա բժշկագիտության միջև: Բժշկի բարոյական մեծ պարտքի մասին խոսելիս՝ Ստեփան Բաղդասարյանը կարևորում է. -Բժիշկը ոչ թե հիվանդությունը պետք է բուժի, այլ նախ նրա հոգին, ապա՝ հիվանդությունը ծնող պատճառները, որ այլևս այն չկրկնվի: Այս հավատամքով քանի քանի անհույս մարդիկ են վերագտել իրենց առողջությունն ու հավատը, իսկ փաստն ամենախոսունն է, բավական է լսել նրանց անցած ճանապարհի և ներկա դրության ուշագրավ պատմությունները: Հազարավոր մարդկանց հույսի, հավատի ու երախտագիտության խոսքերը տարիների ընթացքում նորովի են իմաստավորվում և մեկ անգամ ևս հավաստում, որ հրաշագործ բնությունն ամենազորեղն է և նրա գանձարանի գաղտնիքները դեռ նորանոր բացահայտումների կարիք ունեն: