Իրադարձություններ

Ամիսներ առաջ անդրադարձել էինք գեղանկարիչ Մինաս Ավետիսյանի տան դաժան ճակատագրին, որը տարիներ շարունակ այդպես էլ չի լուծվում: Խնդրի շուրջ MAMUL.am-ի թղթակիցը զրուցել է Մինասի որդու` գեղանկարիչ Նարեկ Ավետիսյանի հետ, ով նոր լուսանկարներ է հրապարակել:

     «Մինասի հայրական տունն է, երկրորդ հարկում նա իր համար արվեստանոց էր կառուցել: Երկրաշարժի հետևանքով այն դարձավ անբնակելի, հետո պետությունը հրաժարվեց վերակառուցել, փոխարենը Լինսի հիմնադրամը կառուցեց թանգարանի համար նոր շենք»,- մեզ հետ զրույցում պատմեց Նարեկը:
     «Տունը գնալով քայքայվում է ու այն կարող է փլուզվել: Մեր ընտանիքի նպատակն է գտնել բարերարներ և վերականգնել Մինասի տունը: Ի դեպ` հայրիկս ծնվել է հենց այդ տանը»,- ասաց մեր զրուցակիցը:
     Նարեկը նշեց, որ բազմաթիվ բանակցություններ են վարել, նախագծեր են մտածում, բայց դեռ ֆինանսավորում չկա: «Հուսանք` այս տարի կկարողանանք հասնել մեր նպատակին»,- ամփոփեց նկարիչը: