Ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանը
MAMUL.am-ի թղթակցի հետ զրույցում հաստատեց Գեղարքունիքի փոխմարզպետ Անդրանիկ Հակոբյանի որդու սպանության լուրը: Նախնական տեղեկություններով, 28-ամյա Հայկ Հակոբյանն սպանվել է Գավառի Ազատության փողոցում` անհայտ անձի կողմից: «Ոստիկանության ստորաբաժանումները ձեռնարկում են անհրաժեշտ բոլոր միջոցառումները դեպքի մանրամասները պարզելու և անձին գտնելու ուղղությամբ»,- հավելեց նա: