ՄԱԿ Գլխավոր քարտուղար Պան Գի Մունը երեկ՝ հունվարի 30-ին, պաշտոնավարման ժամկետն ավարտելուց մեկ օր առաջ արդեն իսկ լքել է իր նյույորքյան գրասենյակը: ՄԱԿ-ի 8-րդ գլխավոր քարտուղարը հրաժեշտ է տվել իր աշխատակիցներին, ում հետ աշխատում էր 2007-ից:
«Վերջին 10 տարում ես հազարավոր ճառեր եմ ասել, սակայն դեռ այնքան բան եմ ուզում ասել: Այժմ միայն մի բան է իմ մտքում՝ շնորհակալություն ձեզ: Դուք պետք է հպարտություն զգաք, ինչպես որ ես եմ զգում՝ ձեզ համարելով իմ աշխատակիցներ»:
Նա նաև կատակով իրեն համեմատել է Մոխրոտիկի հետ, քանի որ այսօր ուղիղ կեսգիշերին նա հրաժեշտ կտա իր պաշտոնին: