Տավուշի մարզպետ Հովիկ Աբովյանը
MAMUL.am-ի թղթակցի հետ զրույցում քիչ առաջ տեղեկացրեց, որ այսօր առավոտյան ադրբեջանական դիվերսիոն ներթափանցման փորձի ժամանակ, հայկական կողմը զոհ ունի: Մարզպետը այլ տեղեկություններ չհաղորդեց: Ավելի ուշ ՊՆ մամուլի խոսնակ Արծրուն Հովհաննիսյանը մեր թղթակցի հետ զրույցում հայտնեց, որ ունենք երեք զոհ` նշելով, որ զոհվածներից երկուսը զինծառայողներ են, մեկը՝ սպա։
Հիշեցնենք, որ այսօր վաղ առավոտյան Տավուշի մարզի Չինարի գյուղից դեպի հարավ-արևելք ընկած պետական սահմանի հատվածում, հակառակորդը ձեռնարկել էր դիվերսիոն ներթափանցման փորձ: