Հայտնի է ինքնաթիռի կործանումից փրկված ևս 2 ֆուտբոլիստի անուն
15:35, երեքշաբթի, 29 նոյեմբերի, 2016 թ.
Կոլումբիայում վթարի ենթարկված ինքնաթիռում եղած բրազիլական «Շապեկոենսե» ֆուտբոլային ակումբի ևս 2 ֆուտբոլիստ է փրկվել՝ դարպասապահներ Ջեքսոն Ֆոլմանը և Մարկոս Դանիլոն։ Ավելի վաղ հայտնի էր դարձել, որ փրկվել է թիմի պաշտպան Ալան Ռուշելը։ 3 ֆուտբոլիստներն էլ գտնվում են կայուն վիճակում։
Նշենք, որ հաստատվել է 75 մարդու զոհվելու փաստը։ Տեղի ոստիկանությունը հայտնել է, որ 6 հոգի ողջ է մնացել։