Ինչպես հայտնի է, Կոլումբիայում աղետի է ենթարկվել ինքնաթիռ, որում 72 ուղևոր և անձնակազմի 9 անդամ է եղել` այդ թվում` բրազիլական «Շապեկոենսե» ֆուտբոլային թիմը։ Ինքնաթիռում եղել է 27 ֆուտբոլիստ և լրագրողների մի խումբ։ Թիմը մեկնում էր Հարավային Ամերիկայի գավաթի եզրափակիչ՝ կոլումբիական «Աթլետիկո Նասիոնալ»-ի դեմ խաղին մասնակցելու։ Տեղում աշխատող օպերատիվ շտաբը հայտնում է, որ 15 մարդ ողջ է մնացել։ Ավելի ուշ հայտնի է դարձել, որ ողջ մնացածներից մեկը ֆուտբոլիստ Ալան Ռուշելն է: Մարզիկը տեղափոխվել է Ռիոնեգրո շրջանի հիվանդանոցներից մեկը:
Ավելի վաղ բրազիլացի լրագրող Անդրես Ֆելիպե Արկոսը թվիթերյան իր էջում հրապարակել է «Շապեկոենսե»-ի հանդերձարանից 5 օր առաջվա տեսանյութ։ Երևում է, թե ինչպես է թիմը տոնել Հարավային Ամերիկայի գավաթի կիսաեզրափակիչ՝ «Սան Լորենսո»-ի դեմ խաղում հաղթանակը (0:0) և եզրափակիչ դուրս գալը։
Նշենք նաև, որ «Աթլետիկո Նասիոնալ»-ը ցավակցություն է հայտնել «Շապեկոենսե» թիմի ֆուտբոլիստներին հարազատներին․
««Նասիոնալ» ակումբը խորը վշտով ցավակցություններն է հայտնում «Շապեկոենսե» ակումբին՝ տեղի ունեցածի կապակցությամբ»,- նշված է ակումբի պաշտոնական հայտարարության մեջ։