Իրադարձություններ

Երեկ երեկոյան Կարեն Դեմիրճյանի անվան մարզահամերգային համալիրում կայացավ ռուս լեգենդար գեղասահորդ, օլիմպիական խաղերի կրկնակի, աշխարհի և Եվրոպայի բազմակի չեմպիոն Եվգենի Պլյուշչենկոյի՝ «Սառույցի արքաները» շոուն։ Բացի Եվգենի Պլյուշչենկոյից սառույցի վրա էին օլիմպիական խաղերի չեմպիոնուհի Ադելինա Սոտնիկովան, Եվրոպայի չեմպիոն Ֆլորան Ամոդիոն, Հայաստանը ներկայացնող գեղասահորդներ Անաստասիա Գալուստյանը և Սլավիկ Հայրապետյանը։ Շոուի անակնկալ էր թռչող ափսեով այլմոլորակայինների համարը՝ Պլյուշչենկոյի և իր բալետի կատարմամբ։ Թերևս ամենահուզումնալի պահերից մեկը «Երկրաշարժ» ֆիլմի սաունդթրեքի ներքո Եվգենի Պլյուշչենկոյի համարն էր, որն անտարբեր չթողեց և ոչ մեկին։ Ներկայացնում ենք շոուն՝ լուսանկարներով։