Ազատամարտիկի սպանության համար մեղադրվող «Ջունգլը» Տերյան փողոցում փորձել է ծեծելով սպանել իր կնոջն` անտարբեր ականատեսների աչքի առաջ. օգնության հասածի վկայությունները (տեսանյութ)
 Հրապարակախոս Զառա Հովհաննիսյանը Երևանի կենտրոնում ականատես է եղել` ինչպես է «Ջունգլը» փողոցի երթևեկելի մասում ձեռքերով և ոտքերով հարվածներ հասցնում կնոջ մարմնի տարբեր հատվածներին: Զառա Հովհաննիսյանը ֆեյսբուքյան իր էջում գրել է. «Մեր մեքենան դեռ չկանգնեցրած` դուրս եմ ցատկում ու վազում դեպի կինը, փորձում պաշտպանել նրան։ Կինը կառչում է ինձնից, պինդ գրկում մեջքիս հատվածն ու ձեռքերս, աղերսում, որ փրկեմ իրեն։ Երիտասարդը, որն էնքան ուժեղ էր, որ կարողանում էր երկուսիս արդեն քարշ տալ փողոցով, գցում է մեզ մեքենայի մեջ ու փորձում ընկերոջ օգնությամբ, որը մեքենայի ղեկին էր, տանել այդտեղից։ Զուգահեռ աղմուկ-գոռոց, աղջիկն աղերսում է ինձնից օգնություն, տղամարդը գոռում էր ինձ վրա, որ բաց թողնեմ, որ դա իր կինն է, ու ես էդտեղ անելիք չունեմ, քաշում է ձեռքերս ու փորձում էլի իմ մարմնի վրայով հարվածներ հասցնել կնոջը, քաշել, պոկել մազերը։  Ազատամարտիկի սպանության համար մեղադրվող «Ջունգլը» Տերյան փողոցում փորձել է ծեծելով սպանել իր կնոջն` անտարբեր ականատեսների աչքի առաջ. օգնության հասածի վկայությունները  Ազատամարտիկի սպանության համար մեղադրվող «Ջունգլը» Տերյան փողոցում փորձել է ծեծելով սպանել իր կնոջն` անտարբեր ականատեսների աչքի առաջ. օգնության հասածի վկայությունները Հասցնում եմ միացնել տեսագրող կոճակը, ու ձայնագրել մի հատված: Պարզվում է, որ նրա երկու երեխաների հայրն է, ով պարբերաբար նրան ենթարկում է բռնության, պարբերաբար աջիկը փորձում է խզել հարաբերությունները, սակայն վախից դրդված չի անում։ Այսօր աղջկա ծննդյան օրն է, և առավոտյան վիճաբանությունից հետո կինը որոշել է էլ տուն չվերադառնալ, իսկ զուգընկերը վերադարձել է նրա աշխատավայր՝ վրեժխնդիր լինելու։ Նա ասում էր, որ իրեն կսպանի, ու եթե ես չհասնեի, չկանգնեի նրանց միջև, մի գուցե էդպես էլ լիներ։ Աշխատավայր է հասնում աղջկա մայրն ու արցունքն աչքերին պատմում 10 տարվա տառապալից կյանքը, թե ինչ դժոխքի մեջ են իրենք ու պրծում չունեն։ Զանգում եմ ոստիկանություն, գալիս են ոստիկաններն ու նրանց ուղեկցությամբ գնում ենք բաժին»։ Հիշեցնենք, որ ազատամարտի մասնակից, 52-ամյա Վարդան Թումանյանին ծեծելով սպանելու համար մեղադրվող Գևորգ Սարգսյանին` «Ջունգլին» Ավան և Նոր Նորք վարչական շրջանների ընդհանուր իրավասության դատարանը ազատ էր արձակել՝ մերժելով խափանման միջոցը փոխելու և կալանք կիրառելու վերաբերյալ դատախազի միջնորդությունը: Զառա Հովհաննիսյանին կնոջ հանդեպ իրականացվող բռնությունից բացի զայրացրել է նաև այն հանգամանքը, որ բազմամարդ փողոցում իրենից բացի ոչ ոք չի էլ մտածել փրկության հասնել կամ էլ ոստիկանություն զանգահարել. «Իմ գնահատականը երեկվա միջադեպին հետևյալն է, փողոցը մարդաշատ էր, բայց մարդիկ հանգիստ նայում էին, թե ինչպես է տղամարդը կնոջը քարշ տալիս ասֆալտին, բազմակի հարվածներ հասցնում։ Ասում էին` իրա կինն ա, որը կարծես արդարացում հնչեր, թե տղամարդը ինչ կուզի, կանի նրա հետ։ Մյուս կողմից բռնարարը, որը մեղադրվում էր մարդու մահվան համար, ազատորեն շրջում է փողոցներով ու կատարում նոր հանցագործություններ։ Գործով բոլոր 4 մեղադրյալներն ազատության մեջ են ու նրանցից մեկն այսօր փողոցում, աչքիս առաջ քիչ մնաց էլի մարդ սպանի։ Մենք ունենք սարսափելի պատկեր, թե′ իրավական և թե′ մշակութային հարթության վրա»։ |
