ԱՄՆ Պետդեպարտամենտի պաշտոնական ներկայացուցիչ Ջոն Քիրբին հայտարարել է, որ Հալեպի հիվանդանոցների ռմբակոծման պատասխանատուն Ռուսաստանն է:
«Անգամ եթե դրանք ոչ թե ռուսական, այլ սիրիական ինքնաթիռներ են, Ռուսաստանը պատասխանատվություն է կրում, քանի որ նա կարող է ազդել Ասադի վրա: Ռուսաստանը կարող է դա դադարեցնել»,- ասել է Քիրբին:
Նա նշել է, որ Հալեպի ռմբակոծման մասին ահազանգել են Առողջապահության համաշխարհային կազմակերպությունը, «Բժիշկներ առանց սահմանի» կազմակերպությունը, Մարդու իրավունքների պաշտպանության սիրիական կենտրոնը:
«Ոչ թե Միացյալ Նահանգներն է հավակնություններ ու մեղադրանքներ ներկայացնում, այլ հեղինակավոր հաստատությունների և կազմակերպությունների միջազգային կոնսենսուսը, նաև լրատվական գործակալությունները»,- հավելել է Քիրբին: