Ռեժիսոր Ջիվան Ավետիսյանը կարծում է, որ Արցախի ձայնն ամբողջ աշխարհով լսելի դարձնելու համար հարկավոր է խոսել կինոմատոգրաֆի լեզվով: «Վերջին բնակիչը» ֆիլմը, որի պրեմիերան կայացավ «Ոսկե ծիրան» կինոփառատոնի շրջանակներում, այսօր արդեն մեծ էկրաններին է: Ֆիլմն առաջադրված է 74-րդ Ոսկե գլոբուսին:
«Հազար մղոնանոց ճանապարհը սկվսում է մեկ քայլից, գուցե մենք մեկ, երկու, երեք քայլ ենք արել, բայց մեր նպատակը հազար մղոնն է»,- նշում է ռեժիսորն, ով դեռ պրեմիերայից առաջ, մեզ հետ զրույցում խոստովանեց, որ ֆիլմից ակնկալիքները մեծ են:
Հիշեցնենք, որ Ջիվան Ավետսիյանի «Վերջին բնակիչը» ֆիլմի նկարահանումները տեղի են ունեցել Արցախում: Ֆիլմը պատմում է ազգամիջյան հակամարտության արդյունքում բռնի տեղահանված, հայաբնակ գյուղում միայնակ մնացած հայի մասին: