40-ամյա հնդիկ դերասանուհի Մալիկա Շերավատան դարձել է իր բնակարան ներխուժած երեք հանցագործների զոհը:
Հարձակման ժամանակ հնդկական կինոյի աստղը գտնվել է Փարիզի հեղինակավոր թաղամասում գտնվող իր բնակարանում: Անսպասելիորեն բնակարան ներխուժած հանցագործներն արցունքաբեր գազ են բաց թողել, այնուհետև ծեծի ենթարկել դերասանուհուն ու իր ընկերոջը:
Ինչպես հաղորդում են արևմտյան ԶԼՄ-ները, Մալիկան հաճախ է խոսել իր հարազատ երկրում կանանց դեմ հանցանքների մասին:
Թաղամասը, որտեղ հարձակվել են Բոլիվուդի աստղի վրա, արդեն վաղուց վատ համբավ է ձեռք բերել: Ավելի քան մեկ ամիս առաջ Մալիկայի տան հարևանությամբ տանը կողոպտել են Քիմ Քարդաշյանին: