Ժամեր շարունակվող վիճաբանությունից, լարվածությունից հետո Վանաձորի ավագանիում ավարտվեցին քաղաքապետի ընտրությունները:
Քվեների հաշվարկից հետո հաշվիչ հանձնաժողովը հայտարարեց` Մամիկոն Ասլանյանը հավաքել է 19 ձայն, Քրիստ Մարուքյանը` 14 ձայն:
Իրավիճակը թեժ էր, քանի որ Հանրապետական կուսակցությունը և Դաշնակցությունը միասին ավագանիում ունեն 15 մանդատ, «Լուսավոր Հայաստան», «Հայկական վերածնունդ», «Բարգավաճ Հայաստան» կուսակցությունները միասին` 18 մանդատ։ Իսկ վերջինները հանդես էին եկել համատեղ հայտարարությամբ և պաշտպանելու էին «Լուսավոր Հայաստանի» ցուցակը գլխավորող Քրիստ Մարուքյանին: Վերջինը մինչ քվեարկությունը լրագրողներին ասել էր, թե մտավախություն չունի, որ անդամներից որևէ մեկին ՀՀԿ-ն ճնշած կլինի: Թե ովքեր էին ավագանու անդամները, ովքեր դրժեցին որոշումը, պարզ չէ: