Գերմանիայի կառավարությունը քննարկում է Սիրիայում վարած քաղաքականության համար Մոսկվայի հանդեպ տնտեսական պատժամիջոցներ սահմանելու հարցը: Այս մասին հայտնում է The Wall Street Journal-ը` հղում անելով իրավիճակին ծանոթ աղբյուրներին: Հայտնի է, որ այդ հարցը քննարկման վաղ փուլում է գտնվում: Միևնույն ժամանակ, անհայտ է, թե Գերմանիայի խորհրդարանը որքանով կաջակցի երկրի կառավարության այս առաջարկին:
Նախօրեին ԵՄ դիվանագիտական առաքելության ղեկավար Ֆեդերիկա Մոգերինին հայտարարել է, որ Եվրոմիությունն իր ջանքերը կենտրոնացրել է Սիրիայում հակամարտության քաղաքական լուծման վրա, այլ ոչ թե ՌԴ հանդեպ պատժամիջոցների: