Իրադարձություններ

«Հասել ենք կարևոր կետի. խաղաղ ա, հանդարտ: Սա հաջողություն էր: Համոզված եմ` թե իշխանությունները, թե տղաները կպահպանեն անդորրն ու քաղաքակիրթ լուծումներ կտան հարցերին»,- լրագրողների հետ հանդիպման ժամանակ ասաց կողմերի միջև միջնորդ հանդիսացող Արցախի հերոս Վիտալի Բալասանյանը: Հարցին` Սերժ Սարգսյանն է խնդրել լինել միջնորդ, նշեց. «Ինձ որևիցէ մեկը չի խնդրել. դա իմ պարտականությունն էր. մենք «Սասնա ծռերի» հետ միասին մարտի դաշտում ճանապարհ ենք անցել»: Այնուհետ նա հետևյալ հայտարարությունն արեց. «Եվ Սեֆիլյանը, և տղաների մեծամասնությունը հրաժարվել են Սերժ Սարգսյանի հրաժարականից, կան տղաներ, որ պնդում են հակառակը: Կես ժամ առաջ Սեֆիլյանն ինձ ասաց`ես հրաժարվում եմ Սերժ Սարգսյանի հրաժարականից: Նրանք պահանջում են քաղբանտարկյալների ազատ արձակում, ձերբակալվածների ազատում»: