Ռիո Դե Ժանեյրոյի դատարանը պարտավորացրել է Բրազիլիայի ազգային հավաքականի և «Բարսելոնա»-ի հարձակվող Նեյմարին մոտ 46 մլն եվրո վճարել՝ հարկերից խուսափելու համար։ Նշենք, որ որոշումը վերջնական չէ և հարձակվողը հնարավորություն ունի այն բողոքարկել։ 2012-ից 2014 թվականներին Նեյմարն, իրեն պատկանող 3 ընկերությունների միջոցով հարկային մարմիններից թաքցրել է «Բարսելոնա»-ից, իր նախկին ակումբ «Սանթոս»-ից և հովանավորներից ստացած գումարը։ Ֆուտբոլիստի ընդհանուր պարտքը, տոկոսները ներառած, կազմել է մոտ 46 մլն եվրո։
Հիշեցնենք, որ ավելի վաղ տեղեկություններ էին տարածվել, որ սառեցվել են ֆուտբոլիստի ակտիվները և նա գրեթե զրկվել է անձնական ինքնաթիռից և զբոսանավից։