Ադրբեջանցի լրագրող Խադիջա Իսմայիլովան համաձայնել է, որ Մարդու իրավունքների եվրոպական դատարան ուղարկված իր գործի քննության ընթացքում իր շահերը պաշտպանի հայտնի իրավապաշտպան Ամալ Քլունին: Այս մասին գրում է ադրբեջանական «Հաքքին» գործակալությունը:
Իսմայիլովայի փաստաբանը` Ֆարիզ Նամազլին հայտնել է, որ Իսմայիլովան Ամալ Քլունիի առաջարկին համաձայնել է` հաշվի առնելով վերջինի խիզախությունը, երբ նա 2014 թ. պաշտպանում էր «Ալ-Ջազիրա» հեռուստաընկերության` Եգիպտոսում բանտարկված լրագրող Մուհամմադ Ֆաիմիի շահերը:
Ադրբեջանական կայքը նշում է, որ իբր «այսպիսով Իսմայլովան միավորվում է հայկական սփյուռքի հետ, քանի որ Ամալ Քլունին հանդիսանում է էթնիկ հայ և ՄԻԵԴ-ում պաշտպանել է Հայաստանի շահերը «Փերինչեքն ընդդեմ Շվեյցարիայի» գործի ընթացքում»:
Հիշեցնենք, որ ավելի վաղ հոլիվուդյան դերասան Ջորջ Քլունիի կինը` հայտնի իրավապաշտպան Ամալ Քլունին հայտարարել էր, որ ցանկանում է ստանձնել ադրբեջանցի լրագրող
Խադիջա Իսմայիլովայի գործը Մարդու իրավունքների եվրոպական դատարանում: